Liwat nga ginpasidungan ang banwa sang Panay sa 12th Annual Sandugo Awards sang Philippine National Red Cross. Kabahin ini sang dako nga kontribusyon sang banwa sa National Voluntary Blood Services Program kag pagpatigayon sang Mobile Blood Donation Activities sa tuig 2022.
Guinkilala man ang kontribusyon ni Dr. Oliver Andrada, kag Blas Baes sa pagsuporta sa programa sa blood donation sa walo na ka sunod nga mga tinuig.
Guinhatagan man sang pagkilala ang Barangay Binantuan bilang isa sa mga barangay may dako nga donasyon sang dugo sa bilog nga probinsiya sang Capiz.
Ang Sandugo Awards isa ka mataas nga pagkilala sa mga local officials nga nagasuporta sa voluntary blood donation program kag sa ila aktibo nga kampanya para maka establisyar sang supisyente nga supply sang dugo sa aton Philippine National Red Cross. | KMD Gicalde
