Kapin 1,000 ka mga pamilya nagikan sa Barangay 5 kag Barangay 7, sining siyudad ang nakabaton sang tig-15 kilos nga bugas halin sa City Government
557 ang gintugyan sa Barangay 5 samtang 443 naman ang halin sa Barangay 7.
Ginkalipay sang mga pumuluyo ang pagpadulong ni Mayor Ronnie Dadivas dala ang sinako nga bugas para makapiyan-piyan sa ila pang adlaw-adlaw nga kinahanglanon.
Nagpaabot ang mga ini sang pasalamat bangud sa wala untat nga grasya halin sa ila gobyerno.
Mahibaluan, nga ang ‘Bugas para sa taga Roxas’ ang kabahin sang Food Security program sa idalum sang administrasyon ni Dadivas bilang tabang sa mga pumuluyo sa tunga sang ginapangatubang nga kapigaduhon.
