NAGHANGYO ang pipila ka tag-iya sa tindahan nga unta pahibal-on una sila ayha maghimo sa operasyon ang Anti Smoking Task Force sa GenSan. Sumala sa usa ka bantay sa tindahan nga si Ann Herbias nga wala siya nakahibalo nga motuyok na ang mga miyembro sa Philippinewide Anti Smoking Operations for Health o PWASOH unya sitahon ang mga tag-iya sa tindahan nga walay signage batok sigarilyo o kaha nagabaligya og stick sa sigarilyo unya mamultahan og P5,000 pesos.
Sumala sa usa ka team leader sa PWASOH nga dugay na sila nga nagatuyok ug nagapahimangno apan sa kalapad sa syudad, dili gayud nila maadtoan ang tanan, apan nasayod naman daw ang tanan nga adunay balaud nga dapat sundon sa Anti Smoking Operation nga ginahimo sa otoridad. I Ver Diazon
