NAMATAY ang daghang baboy nga ibaligya unta sa Metro Manila gikan sa Tupi, South Cotabato human nga nadisgrasya ang usa ka 10-wheeler truck sa Sarangani Province.
Sumala sa driver sa truck nga si Christopher Bantillo, 32-anyos gikan sa Diamond Valley, Brgy. Tambler, Gensan nga ang ilang destinasyon sa Metro Manila via Surigao dala ang 140 ka mga baboy.
Pag-abot sa tungason nga bahin sa utlanan sa Barangay Malandag ug Nagpan, Malungon, Sarangani Province wala sila nakasaka mao nga niatras ang sakyanan apan nibuto ang air brake mao nga nahulog sila sa kanal ug natumba.
Namatay ang daghang mga baboy samtang ang uban nagluya, mao nga wala sila nakapadayon sa ilang byahe ug nagpa-rescue sa ilang kaubanan.
Nahitabo ang disgrasya alas 10 sa gabii Hulyo 3 sa kasamtangan nga tuig. I Ver Diazon
