Linabo sa waea nga siki ru sangka 26 anyos nga eaeaki nga naga sugae sa sangka namatyan sa Brgy. Jabana Nabas, Aklan.
Sa report, nakialea ru biktima nga si Ednilor Espanyola, 26 anyos it nasambit nga lugar.
Gulpi eamang sigun nga umabot ru mga suspek nga hilong ag gustong mag pusta sa sugae apang gin balibaran dahil naka bahid eon ru baraha ag indi eon pwede mag posta.
Ikara gin kaugot it mga suspek nga sanday Julius Tingne, 44 anyos ag Rafael Aguirre, sa legal nga edad.
Inabangan it daywang mga suspek ru biktima kay naga bakae konta it sigarilyo maeapit sa namatyan.
May pilang besis sigun nga gn linabo it suspek ru biktima apang naka iwas ag ku ulihi hay naabot it suspek ru siki apang naka daeagan pa sa unahan ru biktima.
Sa bulig it mga residente, napundo ru insidente.
Sa makaron, padayn pa nga gina bueong sa Ibajay District Hospital ru biktima ag ru daywang mga suspek hay na aresto man it Nabas MPS.//MARIVIC Y. ILIN
