Patay ron kang matalupangdan kang mga residente si Christian Lloyd Esler, 23 anyos, kag residente kang Brgy. Salvacion, Sibalom, las-10:00 kagabi-i, Agosto 21 sa Brgy. San Juan Sibalom.
Suno sa Sibalom Municipal Police Station, sanda ang nakabaton kang tawag halin sa MDRRMO Sibalom ginabanta las-10:30 sa gabi-i sa diin ginapahayag nga may nalumus sa nasambit nga barangay.
Suno sa police, nagapamanlo kang damang ang biktima kaimaw kang sangka menor de edad sa binit kang suba, apang kang naglaktud ang biktima sa suba, dya ang nadara kang mabaskug nga bulus kang tubig.
Gilayon dya nga gindara sa Ramon Maza Sr. Memorial District Hospita kang matukiban kang mga residente apang dya ang gindeklara ron nga dead on arrival.
