Gin eabo sa ueo ru sangka 40 anyos nga eaeaki it suspek nga vendor, 21 anyos nga parehong taga- Brgy. Tina, Makato, Aklan.
Sa interview it BRIGADA News FM Kalibo kay PSSgt James Padasas, imbistigador it Makato MPS, nag-angkon it mainitang argumento ru biktima ag kaibahan rason nga gin awat it suspek apang gin kaugot it biktima.
Uwa magbuhay ag nag-uli lang sa andang panimaeay ru suspek.
Apang sa uwa magbuhay hay gin adtunan it biktima ru suspek sa andang panimaeay ag anang gin ayat buyot ru kahoy ag anang gin sampok sa waeang alima ru suspek.
Ikara bumaeos ru suspek ag haeab-an ru biktima.
Insigida man nga nag pangayo it police assistance ru magueang nga babaye it suspek.
Eagi man nga gin respondihan it Makato MPS ag MDRRMO-Makato.
Sa makaron, padayon pa ru maid-id nga imbistigasyon it Makato MPS samtang presenting naka kulong ru suspek sa Makato MPS.//MARIVIC Y. ILIN
