Binuno sa tiyan ru manghod dahil eamang sa pag samad it bike nga gina pang-iyahan it magueang.
Natabo ru insidente sa panimaeay it biktima ag suspek sa Brgy. Kinalangay Viejo, Malinao, Aklan.
Nagbaisan ru daywa nga parehong hilong halin sa sangka ilimnan sa kaeapit nga barangay.
Nakilaea ru biktima nga si Joseph Isagre, 31 anyos samtang, gina turo nga suspek ru anang magueang nga si Vicente Isagre, 42 anyos, tanan mga residente it nasambit nga lugar.
Bangud eamang sa pagsamad it bike it manghod, naakig ru magueang dahilan it mainitan nga diskusyon ag gulping binuno ru biktima.
Eagi man nga daea sa hospital ru biktima samtang eagi man nga nag surrender ru suspek sa Malinao MPS.//MARIVIC Y. ILIN
