Maramig nga bangkay ron kang natukiban sa andang balay ang lawas ni Alyas Merza, 39 anyos, kag residente kang Brgy. Tica, Bugasong, kang Hulyo 22, las-5 sa kaagahun.
Suno sa impormasyon, las-6:20 sa aga kang amo nga adlaw, ginreport ni Punong Barangay Louie Pedriña sa Bugasong MPS ang ginapasuni pag-utas kang kabuhi nga nagluntad sa nasambit nga lugar.
Pag-abot kang mga otoridad, nakita nga ginhalin ron kang pamilya ang bangkay halin sa orihinal ka dya nga posisyon.
Ginapahayag nga nga las-5:00 sa aga, nabugtawan ang bata kang biktima sa diin nakita ka dya ang anang nanay nga nagasab-it gamit ang nylon rope kag gilayon nga nagpangayo kang bulig sa andang iningud.
Gilayon naman nga ginbuol ang biktima halin sa pagkasab-it kag gintinguhaan pa nga i-revive apang wara ron dya nakapakita kang sinyales kang kabuhi.
Ginapahayag naman kang pamilya nga nagabatyag kang kabudlay sa pinansyal nga aspeto ang biktima sa diin dya ang gindara sa sa sangka Funeral Home sa Brgy. Lugta, Laua-an.
