Nakit-an nga uwa eun it kabuhi ro uwa pa ginpangaeanan nga babaye sa Poblacion, Makato, Aklan pasado alas 2:00 kaina it kaaganhon.
Base sa pahayag it Makato MPS, daywa ka unga ro nagreport sa andang taeatapn nga may mabaho nga hugom sa nasambitan nga panimaeay, insigida man nga ginrespondehan it mga kapulisan ro lugar ag idto nanda nakumpirma ro bangkay it babaye nga nakahaboe pa sa sueod it muskitero.
Base pa sa mga kapulisan, uwa segun it foul play nga natabo sa anang pagkamatay.
Nasayuran nga isaeahanon eamang sa kabuhi ro 59-anyos nga babaye ag ginapatihan nga tatlong adlaw eun nga patay bangud gin-atake segun it sakit nga high blood.
Presente nga sa punerarya eun ro bangkay it babaye./JIL B. LACSON
