Nagpatigayun makarung adlaw ro Balete MPS it COMELEC CHECKPOINT sa atubang it Balete Public Plaza sa may National Highway it Brgy.Poblacion, Balete,Aklan.
Raya hay bilang pagsunod sa COMELEC Resolution No.10924, nga dapat magtukod ro PNP it COMELEC Checkpoints sa tiempo it Barangay ag Sangguniang Kabataan Elections nga nag umpisa ku alas 12 it tungang gabii makarung August 28, 2023 hasta alas 12 it tungang gabii sa November 29, 2023.
Sa idaeum it pagpamuno ni PMAJ BRYAN I ALAMO ag sa direct supervision ni Mr. Rafael J. Legaspi, Municipal COMELEC Officer, opisyal eon nga gin umpisahan it Balete PNP ro gun ban period it tungang gabii pinaagi it pagpatigayun it checkpoint sa Brgy. Poblacion, Balete, Aklan.
Para masiguro ro madinaeag on, maayos ag matawhay nga BSKE 2023, umapela ro Balete PNP ag COMELEC sa komunidad para sa andang kooperasyon sa pagsunod sa nasambit nga mga regulasyon. // ANN DESLENE SALAZAR
