‘Bailes De Luces’ sang La Castellana, champion sa international performing arts competition

-Reymund Titong

KABANKALAN CITY, Negros Occidental– Sa piyak sa mga kabudlayan sang banwa sang La Castellana, dala sang paglupok sang bulkan Kanlaon sang Hunyo 3, kag naga padayon nga magbuga sini sang mataas nga sulfur dioxide, nangin madinalag-on ang banwa sa festival nga performing arts competition sa Estados Unidos.

Ang bugal sang banwa nga Bailes de Luces (Dances of Lights) Festival performers ang sang damlag lang nangin grand champion sa nine-day 27th World Championship of Performing Arts (WCOPA) sa Long Beach, California sang Sabado, Hulyo 6.

Ang performers ang ginakabig nga una nga local festival sa isla sang Negros nga na qualify sa WCOPA ukon gina tawag man nga “Olympics of Talents” nga may 67 ka mga pungsod ang nag partisipar subong nga tuig. Nakakuha man ang banwa sang gold medals sa tatlo ka individual dance categories nga contemporary, ethnic folkloric, kag open.

Suno kay La Castellana Mayor Alme Rhummyla Nicor-Mangilimutan ang pagdaog ang Bailes De Luces ang para sa mga pumuluyo sang banwa kag sa pungsod Pilipinas, kag nagapamatuod sang makaya sang banwa nga e-pakita sa kalibutan.

Ang nasambit nga festival ang na establishar sang tuig 2000 sa idalum sang liderato sang anay alkalde sang banwa nga si Enrico Elumba. Ang Bailes de Luces ang na bun-ag bilang pamaagi sa pag-selebrar sang pag-pasalamat kag paglaum sang manug-ubra sa hacienda sa banwa nga yara sa til-an sang bulkan Kanlaon.  

Ang banwa ang nakapasundayag naman sang ila talento sa nagkalain-lain nga pungsod kaangay sang Germany, Hong Kong, and Korea.*

Leave a Reply

Your email address will not be published. Required fields are marked *