Binigyang diin ng pamunuan ng National Housing Authority (NHA) Sorsogon na hindi maaaring ibenta ng mga benepisyaryo ang bahay na ipinagkaloob sa kanila ng ahensya.
Sa panayam ng Brigada News kay NHA Sorsogon District 3 head Rolando Ramos, sinabi nito na ang nasabing bagay ay kanilang mahigpit na ipinagbabawal.
Babala nito sa mga resipiyente ng kanilang housing project na nagbabalak ibenta ang kanilang bahay, maaaring matanggal ang mga ito bilang benepisyaryo ng kanilang programa at posibleng hindi na rin makaka-avail pa ng iba pang mga proyekto ng pamahalaan.
