BICOL—Patuloy na kumikilos ang bagyong Jolina patungong Tayabas Bay-Verde island kung saan posible ang muli nitong pag landfall sa may bahagi ng eastern Batangas.
Base sa Tropical Cyclone Bulletin No. 15 ng Pagasa na inilabas kaninang alas 5:00 ng umaga, huling namataan ang sentro ng Severe Tropical Storm “JOLINA” sa coastal waters ng Boac, Marinduque (13.5°N, 121.7°E).
Taglay nito ang lakas ng hanging aabot sa 100 km/h at pagbugsong 150 km/h at kumikilos sa direksyong pa Kanluran Hilagang Kanluran sa bilis na 15 km/h.
Nakataas ang Signal No. 2 sa:
- northern portion ng Romblon (Banton, Corcuera, Concepcion, Calatrava, San Andres, San Agustin, Romblon)
- Marinduque
- northern and central portions ng Oriental Mindoro (Bansud, Gloria, Pinamalayan, Pola, Socorro, Victoria, Puerto Galera, San Teodoro, Baco, City of Calapan, Naujan)
- northern and central portions ng Occidental Mindoro (Abra de Ilog, Paluan, Mamburao, Santa Cruz, Sablayan) kabilang ang Lubang Islands
- central and southern portions ng Quezon (Buenavista, Mulanay, San Narciso, San Francisco, San Andres, Catanauan, General Luna, Lopez, Macalelon, Sampaloc, Unisan, Pagbilao, Sariaya, Alabat, Pitogo, City of Tayabas, Padre Burgos, Lucban, Gumaca, Agdangan, Plaridel, San Antonio, Candelaria, Atimonan, Quezon, Tiaong, Mauban, Perez, Lucena City, Dolores, Real, Infanta)
- Batangas
- Cavite
- Laguna
- Rizal
- Metro Manila
- southern portion ng Bulacan (Pandi, Bulacan, Marilao, Calumpit, Norzagaray, Plaridel, Santa Maria, Balagtas, Bocaue, Bustos, City of Malolos, Angat, Obando, City of San Jose del Monte, Pulilan, City of Meycauayan, Hagonoy, Paombong, Guiguinto, San Rafael, Baliuag)
- Pampanga
- Bataan
- Zambales
- Tarlac
Signal No. 1 sa:
ILANG BAHAGI NG BICOL:
- Camarines Norte
- western portion ng Camarines Sur (Del Gallego, Ragay, Lupi, Sipocot, Libmanan, Calabanga, Bombon, Pili, Naga City, Cabusao, Canaman, Gainza, Camaligan, Magarao, Pasacao, Pamplona, San Fernando, Milaor, Minalabac, Bula, Baao, Nabua, Balatan, Bato, Ocampo, Iriga City, Tinambac, Siruma)
- western portion ng Albay (Libon, Oas, City of Ligao, Pio Duran, Polangui)
- northwestern portion ng Masbate (Aroroy) kabilang ang Burias Island
ILAN PANG BAHAGI NG LUZON:
- La Union
- southern portion ng Benguet (Sablan, Tublay, Bokod, La Trinidad, Baguio City, Itogon, Tuba, Kapangan, Atok)
- southern portion ng Nueva Vizcaya (Alfonso Castaneda, Dupax del Norte, Dupax del Sur, Aritao, Santa Fe, Kayapa)
- southern portion ng Aurora (Baler, Maria Aurora, San Luis, Dingalan)
- Pangasinan
- Nueva Ecija
- Nalalabing bahagi ng Bulacan
- Nalalabing bahagi ng Quezon kabilang ang Polillo Islands
- Nalalabing bahagi ng Romblon
- Nalalabing bahagi ng Oriental Mindoro
- Nalalabing bahagi ng Occidental Mindoro
Sa susunod na 24 oras, mararanasan ang malakas hanggang sa napakalakas na pag-ulan sa Metro Manila, Romblon, Marinduque, Cavite, Laguna, Batangas, Rizal, Quezon, Camarines Provinces, at Mindoro Provinces.
Katamtaman hanggang sa malakas na mga pag-ulan naman ang mararanasan sa Aurora, Bataan, Bulacan, Nueva Ecija, Pampanga, Tarlac, Zambales, Albay, Sorsogon, northern Palawan, Aklan, Antique, Capiz, Iloilo, at Guimaras.
Base sa forecast track ng Pagasa, ang bagyong “JOLINA” ay patuloy na kikilos patungong Tayabas Bay at muling tatami sa bahagi ng eastern Batangas ngayong umaga. Ngunit dahil sa pagbabago ng track ng bagyo sa southwestward trend ay hindi inaalis ang posibilidad na tumama ito sa bahagi ng northern Oriental Mindoro.
Tatawid ang bagyo sa Batangas-Cavite area baga dumaan sa bahagi ng Manila Bay mamayang gabi at muli itong mag lalandfall sa Bataan Peninsula. Dahil sa frictional effects sa pagdaan nito sa kalupaan ng mainland Luzon ay inaasahang hihina ang Bagyong “JOLINA” sa tropical storm category. Inaasahang lalabas ang bagyo sa Philippine Area of Responsibility sa Biyernes ng umaga.
==
KIKO UPDATE
Samantala, mabilis na lumakas ang Bagyong Kiko habang nasa karagatan ng bansa. Sa Bulletin No. 2 ng Pagasa kaninang alas 5:00 ng umaga, huli itong namataan sa layong 1,175 km Silangan ng Central Luzon (16.2°N, 133.1°E).
Taglay nito ang lakas ng hanging aabot sa 150 km/h at pagbugsong 185 km/h at kumikilos sa direksyong pa Kanluran sa bilis na 20 km/h.
Sa ngayon ay wala pa itong direktang epekto sa bansa at inaasahang mararanasan ang matinding mga pag-ulang dulot nito sa Extreme Northern Luzon simula sa Biyernes.
Base sa forecast track, ang Bagyong Kiko ay inaasahang kikilos pa-kanluran o kanluran hilagang kanluran hanggang sa Biyernes papalapit sa Luzon Strait at sa bisinidad ng Extreme Northern Luzon.
Dahil sa favorable environmental conditions ay inaasahang patuloy na lalakas ang Bagyong Kiko hanggang sa Biyernes kung saan posible itong umabot sa peak intensity na 185 to 205 km/h habang kumikilos sa may Extreme Northern Luzon.### || slm
