Pinuna sa naganap na pagdinig ngayong araw ng Senate Subcommittee on Resolution of Both Houses No. (RBH6) ni Baguio Mayor Benjamin Magalong ang naging pagsusulong ng ilang mambabatas sa People’s Initiative (PI).
Anya, naniniwala siyang ‘purely unethical’ ang pagsasagawa nito sa konstitusyon.
Ngunit sa kabila nito, tiniyak naman niyang suportado niya ang anumang batas na naglalayong magdala ng economic opportunities sa mga Pilipino.
Samantala, isinulat naman ni Ilocos Sur Board Member Ercison Singson sa kanyang position paper na mahalaga ang mabilisan pagbabago para sa ikakabuti ng ekonomiya.
Maalala, isa sa nagdulot ng mainit na usapan sa pagitan ng mababa at mataas na kapulungan ang PI dahil sa tila kahina-hinalang pagpapaikot ng papel na ito para mag-signature buying campaign na nag-aalis umano sa kapangyarihan ng institusyon ng Senado.
