Naitala ng PHIVOLCS ang pinakamataas na lebel ng sulfur dioxide emission mula sa Bulkang Taal.
Sa advisory ng ahensya nitong Linggo, alas-4:15 ng hapon, ay sinabi nito na naglabas ang Taal ng average na 22,628 tonnes ng sulfur dioxide per day, na panibagong all-time high.
Mas mataas ito kung ikukumpara sa 14,699 tonnes ng sulfur dioxide per day na naitala noong Sabado.
Dagdag ng ahensya, nairehistro nito ang 26 na malakas na low frequency volcanic earthdaquakes na may koneksyon sa magmatic degassing na naitala sa ilalim ng silangang bahagi ng Volcano Island.
Nagbabala naman ang PHIVOLCS na ang mga nasabing obserbasyon nito ay indikasyon na posibleng maulit anuman oras ang eruption na kapareho sa nangyari noong July 1, 2021.
