KORONADAL CITY- BINUKSAN na ang bagong opisina at laboratoryo ng Regional Crop Protection Center o RCPC Region 12 sa Tacurong City, Sultan Kudarat. Ito ay pinondohan ng P 5.7 million.
Ang soft opening ay dinaluhan ng mga matataas na opisyal ng Department of Agriculture o DA 12, mga LGU officials at mga farmer groups.
Sa pamamagitan ng Regional Crop Protection Center, mapapalakas ang produksyon ng rehiyon ng mga biocontrol agents katulad ng trichogramma at trichoderma at upang matulungan ang mga magsasaka na mapaigting ang kanilang harvest sa tulong ng mga safe at efficient control methods laban sa peste at mga sakit sa tanim.
