LEGAZPI CITY – Opisyal nang iniludsad kamakailan ng Philippine Social Security System (SSS) ang kanilang bagong programang tumutulong sa mga miyembro na mabayaran ang kanilang past-due-loans.
Ang nabanggit na programa ay ang Consolidation of Past Due Short-term Member Loans with Condonation of Penalty, kung saan hinihikayat ng presidente at chief executive officer nito na si Michael Regino na gamitin o makiisa rito.
Samantala, ang mga kwalipikadong miyembro na maaaring mag-avail ng programa ay ang mayroong outstanding na salary loans kabilang ang Salary Loan Early Renewal Program (SLERP), calamity, emergency at restructed loan.
Dagdag pa nito, sa ilalim ng programa, pag-iisahin ng opisina ang principal at ang interes ng past-due-short-term member loans ng isang miyembro sa pinagsamang loan habang ang unpaid penalties naman ay kinakailangang pagsamahin sa full payment ng loan.
Para naman sa karagdagang impormasyon hinggil sa naturang programa, maaaring sumangguni sa official Facebook page ng SSS.
