EPEKTIBO na ang bag-ong usbaw sa presyo sa lana sugod alas kwatro sa kaadlawon.
Sa usa ka gasolinahan sa GenSan gikumpIrma sa usa ka pumpboy nga si Jay nga P8 ang ilang usbaw sa krudo samtang P3 pesos sa gasolina.
Tungod niini sa ilang price bulletin ang ilang gasolina matag litro anaa sa P72 pesos hangtud sa P73.18 pesos samtang sa krudo gikan sa P73.63 pesos hangtud na sa P83.29 pesos matag litro.
Sa bahin sa sector sa transportasyon sumala sa manager sa Metro Gensan Cooperative nga si Orly Sabelita dugang pabug-at gihapon kanila bisan ang centavo nga usbaw sa lana unsa nalang ning tres ug otso pesos nga usbaw sa bahin sa krudo ug gasolina.
Ang ilaha nga gihimo naka-andam na sila kay anaa pa ang ilang nadawat nga fuel subsidy nga P7,200 pesos pondo sa miaging tuig hangtud karong semanaha kay wala man nila gitingob og gamit.
Nagpatubil usab sila bag-o sa usbaw kantidad og P,500 pesos sa matag unit sa multicab.
Gidugang ni Sabelita nga sa matag multicab makatubil sila og P700-P800 pesos matag adlaw samtang sa Euro 4 Unit anaa sa P800-P1,000 pesos matag adlaw.
Ginapaabot usab nila ang pagsugod sa service contracting human sila na- orient sa tag LTFRB milabay nga adlaw nga Huwebes unya nag-comply sa ilang mga rekositos. I Ver Diazon
