Nakaplagan sa usa ka mag-uuma ang bag-ong nahimugso nga batang lalaki sa Purok 7, Lacson, Calinan, ning syudad partikular na sa Apigo Farm alas-7:30 kagahapon sa buntag, Enero 22, 2024.
Sa report, nakaplagan ni Elmer Cawayan, 61, minyo, caretaker sa Apigo Farm, nga nahimutang sa nasangpit nga lugar ang maong bag-ong natawong bata.
Giputos ang bata sa itom nga pranela nga gituohang gipanganak lamang anang adlawa dayon gibilin sa maong farm.
Dali hinoon nga gidala sa mga otoridad ang maong bata sa ospital alang sa medikasyon.
Padayon usab ang gihimong imbestigasyon sa kapulisan aron mailhan kung si kinsa man ang nagbilin ug kinsa ang inahan sa maong bata.
