Dunay bag-ong 9 ka kaso sa sakit nga dengue ang naitala sa buhatan sa City Health Office kon CHO Mati alang sa week 7.
Mas miubos kini kumpara sa dose (12) niadtong nakalabayng week 6.
Sa gipagawas nga datos sa CHO ang 9 ka mga bag-ong kaso naggikan sa Barangay Central nga maoy nag-unang barangay sa syudad nga adunay pinakadaghang kaso alang sa week 7.
Gisundan kini sa Barangay Dahican ug Matiao, DMM, ug Barangay Sainz.
Sa karon padayon nga nagapahimangno ang CHO Mati nga ipadayon ang kanunay nga paglimpyo sa mga palibot ug panimalay pinaagi sa search and destroy breeding sites ilabi na niining panahon sa ting-ulan aron malikay sa maong balatian.
Kahinumduman nga duna nay usa ka 44 anyos nga lalaki nga namatay sa dengue sa Mati City.
