Nagsumpa na bilang bag-o nga Mayor sang Cuartero si Tito L. Mayo kag bag-o naman nga Vice Mayor si Stephen H. Fantilaga sa Kapitolyo Probinsyal kahapon nga adlaw sang Miyerkules, Agosto 16.
Ginpangunahan ni Governor Fredenil Castro ang Oath Taking Ceremony.
Magatal-us si Mayo sa nabakante nga posisyon sa nagtaliwan nga si anay Cuartero Mayor Joemarie Openiano sang damlag lang.
Bangud nagsaka ang posisyon ni Mayo kag number 1 nga SB member si Fantilaga sa ila banwa, siya naman ang magatal-us bilang Vice Mayor.
Nangin saksi sa pagpanumpa ang ila tagsa ka pamilya kag mga opisyales sang banwa sang Cuartero nga sanday SB Eileen Palmes, SB Jacquilyn Galino, SB Joecy F. Gonzales kag SB Christopher L. Booth.
Sa pihak nga bahin, Si Gov Castro upod sang bug-os nga Capiz Provincial Government nagpaabot man sang sincero nga pagbuylog sa kalisud kag kasubo sang pamilya sang nagtaliwan nga Mayor. | Judy Ann Juare
