Matapos maduea ag aksidenteng mabitbit it sambilog pang pasahero ro sangka bag, naibalik man raya sa matuod nga tag ana.
Raya hay bangud man sa pagbueoligan it Caticlan Airport Police Station ag NAIA Police Station 2.
Matandaan na ku September 27, sangka babayeng pasahero ro nagreklamo matapos maduea ro anang bag bago pa raya sumakay it eroplano sa NAIA Terminal 2, Manila.
Nasayuran man nga aksidente raya nga nadaea it sambilog pang pasahero nga paagto it Caticlan it agahun ngarun.
Bangud kara, insigida nga nakipag angutan sa NAIA Police Station 2 ro pasaherong aksidenteng nagdaea it nasambit nga bag kung siin, insigida man nga nag coordinate ro NAIA sa Caticlan Airport Police Station.
Gin-turn over man it pasahero sa Caticlan Police ro bag nga may sueod nga 7 ATM Cards, 8 identification cards, 3 cellular phones, 1 powerbank, ag cash nga P9,050.
Samtang, sa mismong adlaw ngarun hay nabatun ro nasambit nga bag it tag ana sa NAIA Terminal 2. // ANN DESLENE SALAZAR
