Natupok it kaeayo ru sangka panimaeay nga himo sa light materials sa Brgy. Venturanza, Banga, Aklan kahapon it agahon.
Sa imbistigasyon it Bureau of Fire Protection (BFP)-Banga, gina panag-iyahan ni Jo Alex Eliserio, 24 anyos ag sangka trabahador. sa isla it Boracay.
Nakit-an sigun it mga residente sa lugar nga nagkaeayo ru linyat koryente ag gulping nag-eapta ru kaeayo sa bilog nga panimaeay.
Gina bana-bana nga naga-abot sa mas o minus Php 20,000 ru danyos nga hatud it sunog.
Nasayuran nga uwa it tawo ru panimaeay dahil sa naga trabaho sa isla it Boracay.
Eagi man nga gin respondihan it BFP-Banga ag Banga MPS ru insidentea samtang, naga padayon pa ru follow-up nga imbistigasyon it mga kapulisan.//MARIVIC Y. ILIN
