Kinilala ni Russian President Vladimir Putin ang “concern” ng China sa usapin ng Ukraine kasabay ng kanyang pasasalamat sa “balanced position” nito sa usapin.
Sinabi ni Putin na pinahahalagahan nila ang posisyon ng China sa Ukraine crisis sa kanilang paghaharap ni China President Xi Jinping.
Ayon kay Putin, iginagalang niya ang mga inilatag sa kanya na katanungan ni President Xi kung saan kampante siyang naipaliwanag niya nang maayos ang kanilang posisyon hinggil sa Ukrian invasion.
Sina Xi at Putin ay nagpulong sa sidelines ng Shanghai Cooperation Organization summit sa Samarkand sa Uzbekistan.
Matatandaan na ang summit ang ikalawang biyahe pa lang ni Putin sa ibang bansa mula nang lusubin ng kanyang tropa ang Ukraine noong Pebrero.
