-Reymund Titong
KABANKALAN CITY, Negros Occidental — Ginpondohan sang Civil Aviation Authority of the Philippines (CAAP) sang P44 milyones sang pag-rehabilitate sang passenger terminal sang Silay-Bacolod Airport.
Ang pre-bidding sang proyekto ang himaton sa maabot nga Hulyo 2, kag gina-sigahum nga kun ma-award na ang kontrata sa madaaog nga bidder, may yara lamang ini sang 360 calendar days agud matapos ang proyekto.
Ang proyekto ang maga kay-o sang Daan na nga mga kisame, kag structures sang terminal, suga, tiles, aircon, water pipes kag iban pa nga mechanical works nga may kalaparon nga masobra 13,469.18 square meters.
Ang pagpanami sang airport ang sabat sa panawagan ni Senator Grace Poe nga pag-rehabilitate sa mga airports, sa diin nag alokar ang gobyerno nasyunal sang P7.5 billion para sa kuntruksyon, upgrade, pagpalapad, kag rehabilitation sang 22 ka mga airports sa pungsod.
Madumduman nga amo man ini ang ginapangayo sang mga grupo sang negosyante sa probinsya nga ginalantaw nga makapahapos sang pagsulod sang mga investors, ilabi na nga napermahan na ang denikada na nga pagduso sang Negros Island Region (NIR).
