Tukoy na ng Philippine National Police na naglabas na ng pagkakakilanlan ng backrider gunman ng riding in tandem suspek na pumatay sa isa sa mag-asawang online seller sa Pampanga.
Ayon kay PNP Public Information office Chief PBGen. Jean Fajardo, kumukuha na lamang aniya ng mas malinaw na kopya ng cctv footage ang pulisya bilang ebidensya sa krimen.
May hawak naring testigo ang PNP na nakakilala sa backrider o isa sa mga gunmen at kanyang sinabing may previous transactions ang suspek sa mga biktima.
Matatandaang nitong Oct 4, 2024 nang pagbabarilin ang mag asawa habang sakay ng kanilang pick-up truck sa Mexico, Pampanga
Nag-alok na rin ng P100,000 na reward money ang Mabalacat, Pampanga LGU para sa makapagbibigay ng impormasyon sa mga pumatay sa mag-asawa.
