Nahueog sa gina sakyang tricycle ru backrider nga babaye matapos aksidenting mabanggaan it motorsiklo sa karsadahon it boundary it Poblacion Kalibo ag Brgy Tambak, New Washington, kahapon.
Sa report it New Washington Municipal Police Station, binanggaan ru tricycle nga gina maneho ni Bienvenido Tambong, sa legal nga edad ru angkas nga live-in partner nga si Delia Igharas, tanan mga vendors.
Gulpi eamang sigun nga nag overtake ru motorsiklo nga YAMAHA TMX 125 color nga iton ag gina maneho ni Ranie Pamati-an, 39 anyos ag residente it Pob. New Wasington, Aklan, angkas ru back rider nga si Mark John Gregorio.
Nasagi sigun it motorsiklo ru tricycle rason nga nahueog ru biktima ag naka angkon it lastro sa ueo ag pilang parte it kaeawasan.
Samtang, naka impound makaron ru motorsiklo ag tricycle sa New Washington MPS para sa naga kaigo nga disposition. //MARIVIC Y. ILIN
