LEGAZPI CITY – Kapot na kan mga otoridad an babaying pigkokonsiderar na Ranked 4 Municipal Most Wanted Person kan Sto. Domingo, Albay huli sa kasong carnapping makalihis na magkondosir ning operasyon an mga otoridad sa Purok 3, Brgy. San Isidro kan nasambit na banwaan.
An suspetsado, iyo an 30 anyos na government employee asin residente kan kaparehong lugar.
Basado sa impormasyon, naarestar ini sa kusog kan mandahamiento de aresto para nasambit na kaso sa irarom kan Criminal Case No. 17109 asin igwa nin piyansang nagkakantidad PHP300,000.
Nasa pangangataman na ini kan hapetura kan pulisya kan banwaan para sa magkakanigong disposisyon.
