Dakop ang isa ka babayi matapos naaktuhan nga nagapataya sang iligal nga pasugal sa Brgy. Balatucan, Panitan, Capiz takna alas 3:55 kahapon sang Martes, Agosto 8.
Ginkilala ang nadakpan kay Rosemarie Javier, 48-anyos, residente sang nasambit nga lugar.
Narekober kay Javier ang P130 nga kwarta sa nagkalain-lain nga denominasyon, ballpen kag cotejo.
Sa karon, nagapabilin sa kostudiya sang Panitan PNP ang nadakpan kag natalana nga pasakaan sang nakaigo nga panumbungon. | Judy Ann Juare
