Ginreklamo sa Kalibo MPS it sangka ginang ro aroganteng driver.
Sa report it 47 anyos nga babayeng complainant nga taga Brgy. Old Buswang, Kalibo, naghalin sanda kahapon sa Antique.
Pag abot segun nanda sa may western terminal sa Oyo Torong, may nag eapit kanda nga tricycle driver ag nag negosyar nga kana lang masakay ro tagreklamo ag ro daywa pang kaibahan kara.
Pero kat naghambae segun ro complainant nga mabayad raya it 60 pesos para kanda nga tatlo hay naghambae segun ro driver nga “pagbaktas lang kamo” ag “tunla lang inyong kwarta”.
Nagtuga segun raya it pagkadismaya sa tagreklamo bilang commuter rasun nga ginpakamayad nana nga iparekord ro nasambit nga insidente sa Kalibo MPS matapos mabuoe ro body number it nasambit nga tricycle. / ANN DESLENE SALAZAR
