Huli ang isang babaeng wanted sa kasong Syndicated Illegal Recruitment in Large Scale matapos ang ikinasang operasyon ng mga awtoridad sa Barangay Bocohan, Lucena City nitong Martes, Hunyo 18.
Napag-alaman na taong 2013 sa Lucena City, nangolekta umano ang akusadong si alyas “Leila” ng pera mula sa mga biktima sa pangakong makakapagtrabaho sa ibang bansa.
Samantala, wala namang inirerekomendang piyansa para sa nasabing kaso.
Sa ngayon, nasa kustodiya ng mga awtoridad ang akusado para sa kaukulang dokumentasyon at disposisyon.
