Patay diha-diha ang usa ka lalaku nga gipangita sa balaud gumikan sa kasong robbery human mosukol sa mga pulis nga nag serve sa warrant of arrest batok niini.
Ang operasyon gipahigayon sa Purok 4 Brgy. Cantolaroy bukirang bahin sa Sibonga Sugbo pasado alas 4 sa kadlawon Hunyo 20, 2024.
Ang akusado nga si Rebot Antiga Solis ulitawo nga molopyo sa nahisgutang lugar didto mapatay sa kapilya sa maong dapit diin giingung adto kini magkatulganan.
Gibutyag ni PLT Exelsis Baring Belciña kinsa Officer in Charge sa 703RD Maneuever Company, sa Regional Mobile Force Battalion, misukol ang maong lalaki sa tropa nga nag serve sa warrant of arrest sa kasong robbery ug mao kini ang miuna sa paagpamusil dihang nakita niini ang kapolisan nga nagpadulong kaniya ug mipaila nga mga police.
Didto mibawos na matud pa ang operatiba hinungdan sa kamatayon sa maong akusado nga wanted sa balaud. Ang mga Scene of the crime operatives nakarecover usab sa armas nga gigamit sa suapetsado ingun man mga kabhang sa bala sa armas.//
