Nasawi ang isang babae matapos itong makuryente habang namimitas lamang ng mangga sa Butuan City.
Ayon sa saksi, ang biktima ay nakaupo sa sanga ng puno nang dumikit sa kawad ng kuryente ang panungkit nito.
Agad na rumesponde ang mga otoridad ngunit kinakailangan pang gumamit ng boom truck para maibaba ang katawan nito.
Nagtamo ng lapnos at paso sa iba’t ibang bahagi ng katawan ang biktima kung saan idineklarang dead on arrival na ito sa ospital.
