LEGAZPI CITY – Arestado an 24 anyos na babae sa ikinondusir na drug buy-bust operation kan Legazpi City Police Station sa Brgy. Peñaranda, Legazpi City.
Binisto ining si alyas “Shie”, asin residente kan nasmabit na lugar.
Sa operasyon, nakua saiya an selyadong plastic sachet na may laog na pinagtutubudang “shabu” na nagkakatindad nin PHP14,000, asin nakumpiskar pa an duwang pakete nin kaparehong item na nasa laog kan brown leather wallet asin an buy-bust money.
Nahamapang ini sa kasong pagbalgar sa RA 9165 o Comprehensive Dangerous Act of 2002 asin nasa kustodiya na ini kan nasambit na hepatura para sa makakanigong disposisyon. | Brigada Intern MAUREEN BONANZA