LEGAZPI CITY – Mas pinaigot pa kan Albay Veterinary Office has (AVO) an pagbabantay sa mga border control sa bilog na Albay katakod kan banta kan Q Fever sa probinsya.
Segun kay AVO Representative asin Albay Park and Wildlife Manager, Dr. Franz Colambo, mas pinaigot pa subuot ninda an preventive measures sa probinsya kan Albay, magpoon sa border control sagkod sa animal monitoring, para maasigurar na dai nin anuman na ruminant animals an makakalaog sa probinsya lalo na an mga hale sa probinsya kan Pampangga asin Marinduque na iyo an may presenteng kaso nin Q Fever sa nasyon.
Sa presente, ipighayag ni Colambo na nagtetenir man gilayon bilang Q Fever-free an probinsya kan Albay, kun sain nag-promesa man an opisina na mas magiging mahigot sinda sa pag monitor asin pag-assess sa mga hayop nganing masiertong dai makakalaog sa probinsya an nasambit na helang.
