KORONADAL CITY – MAGSASAGAWA ng auction sale ng mga personal properties ng mga delinquent stall owners ang Provincial Treasurers Office o PTO South Cotabato sa May 18, 2023.
Inihayag ni Provincial Treasurer Alvim Batol na kabilang sa mahigit 100 properties na isusubasta ay ang mga cabinet, electric fan, aircon, computer chair, sofa, freezer at marami pang iba.
Ang mga ito ay pagmamay-ari ng 6 na mga stall owners sa South Cotabato Gymnasium and Cultural Center, South Cotabato Sports Complex at Protech Center na hindi nakapagbayad ng kanilang renta.
Ang makokolekta sa auction sale ay siyang ibabayad sa delinquencies ng mga stall owners.
Sa mga interesadong mag-bid, magtungo lamang sa covered court ng kapitolyo sa May 18, mula alas 8:30 ng umaga hanggang alas-5 ng hapon.
Walang registration fee sa naturang auction sale.
