Nagsampa ng kasong libel at cyber libel si dating senador Antonio Trillanes laban sa ilang mga personalidad at mga vloggers na umano’y nagpapakalat ng fake news laban sa kaniya.
Inihain ni Trillanes ang mga reklamo sa libel at cyber libel sa Quezon City Prosecutor’s Office, at sa National Bureau of Investigation.
Nag-ugat ito sa pag-uugnay umano sa kaniya sa ‘di umano’y pagbebenta ng Scarborough Shoal sa China.
Kabilang sa mga kinasuhan niya ay sina dating presidential spokesperson Atty. Harry Roque, Vlogger na si Banat By, mga hosts ng SMNI, at mga umano’y ‘pro-duterte trolls’
Mayroon ding mga kinasuhan sa NBI si Trillanes na ilang mga social media accounts na sina Mr. Realtalker or Lods Chinito; Melagin Nastor Evangelista o CATASTROPHE; JoeLas; Michael Gorre o KampilaBoy; Hampaslupang Mandaragat; at isang X account na may handle na @SaraAll2028.