Nakakuha og atensiyon ang suot ni Vice President ug DepEd Secretary Inday Sara Duterte atol sa ikaduhang State of the Nation Address (SONA) 2023 ni Pangulong Ferdinand Marcos Jr.
Suot ni VP Sara ang traditional Maguindanaon dress aron sa paghatag og pasidungog ug pagsaulog sa tribong Moro nga sagad nanimuyo sa South Central Mindanao.
Ang maong dress nga nagviral gi-disenyo ni Israel Ungkakay nga taga- Cotabato City.
Ang headgear nga suot sa ikaduhang pangulo ang gitawag og Tendung (t’ndung) sa mga Maguindanaon.
Ang Kolor nga yellow sagad ginagamit sa mga babae nga Maguindanaon atol sa mga seremonya lakip na ang paglingkod sa trono.
Kahinumdoman nga sa milabay’ng tuig o unang SONA sa pangulo, gipasidunggan sab ni VP Inday ang Indigenous People pinaagi sa pagsul-ob og senina sa Bagobo Tagabawa.
