LEGAZPI- Kinumpirma mismo ng Head Assistant ng City Disaster Risk Reduction adn Management Council sa lungsod ng Tabaco sa Albay na nagnegatibo ito sa sinagawang RT PCR test kontra Covid-19 ng Rural Health Unit habang nasa nasa isolation/ quarantine facility sa Tabaco National High School.
Ayon kay Gel Molato, sa kabila ng pagpositibo nito sa antigen , nagnegatibo na ito sa RT-PCR test at wala nang nakitang mga sintomas ng nakakahawang sakit ngunit mas minabuti na tapusin ang 14 days quarantine para masigurong ligtas at magaling na.
Siniguro naman nito na nasa mabuting kalagayan habang nasa loob pa rin ng isolation facility.
Aniya, solo nitong inuukupa ang second floor at sa ground floor naman ang mga nagpositibo.
Samantalang nilinaw rin nito na malaki ang naitulong sa kanyan ng Covid-19 Vaccine na naiturok na sa kanyang katawan bago tamaan ng nakakahawang sakit.
