ILOILO — Nag-abot eon sa P235,000 ro nakolekta it Iloilo City Treasurer’s Office halin sa mga violators sa health protocols sa syudad umpisa it Hunyo hasta Agosto 2021
Kaeakip sa mga violators ro gin-isyuhan it citation ticket nga may multang P1,000 ag ginpa-community service.
Ku Hunyo, 1,420 violators nga nadakpan kung siin P65,500 ro nakolekta nga kwarta ag 37 ro nagpatigayun it community service.
Samtang ku Agosto, 1,231 ro naisyuhan it citation ticket kung siin, P97,000 ro nakolektang kwarta ag 10 ro ginpa-community service.
Ro kwarta nga natipon halin sa mga violators ro igadugang sa pondo it syudad ag pagagamiton sa mga kinahangeanon it medical frontliners. / ANN DESLENE SALAZAR
