Personal na pinuntahan ng mga kawani ng Department of Social and Welfare Development Regional Field Office 2 ang mga tahanan ng mga benepisaryo ng Pantawid Program o 4Ps.
Sa nakuhang impormasyon ng 92.9 Brigada News FM Cauayan sa ahensya, ang naturang hakbang ay upang malaman ang tunay na kalagayan ng mga benepisaryo sa Dinapigue, Isabela.
Bukod dito, pinaalalahanan rin ng ahensya ang mga benepisaryo na tumalima sa panuntunan ng ahensya sa ilalim ng Pantawid Program.
Ito ay upang maiwasan ang paglabag at patuloy na makatanggap ng ayuda o benepisyo.
Samantala, matagumpay namang natapos ng ahensya ang kick-off ng Safer Internet Day at National Awareness week.
Layunin nitong maiwasan ang Child Sexual Abuse and Exploitation at hindi makaranas ang mga bata ng pambubully.
