DEAD on arrival ang asawa sa pulis human nga gibanggan sa gimanehong SUV sa usa ka estudyante alas-12:20 sa buntag kagahapon sa Quezon Ave. Zone 1, Digos City, Davao del Sur.
Sa inisyal nga imbestigasyon sa kapulisan, gilatas sa motorsiklo nga gimaneho ni PMsg. Ronald Pumbo, 39, minyo, PNP member ug residente sa Bohol Ave. Aplaya, Digos City sakay ang asawa niini nga si Ceilo Amor Pumbo, 41 ug ang Avanza nga gimaneho ni Cedric D. Cole, 19, studyante ug residente sa Estrada 5th St. Zone 2, Digos City, ang Quezon Ave. gikan sa Tres de Mayo ug padulong sa Rizal Ave. Zone 1, apan pag abot sa lugar diin nahitabo ang disgrasya, nabanggan sa SUV ang lubot nga bahin sa motorsiklo, hinungdan nga nakaangkon og injury ang magtiayon.
Daling gidala sa opsital ang magtiayong Pumbo, apan gumikan sa kakusog sa impact sa pagkabangga, gideklarang dead on arrival ang backrider sa motorsiklo nga asawa sa driver.
Gituohan nga lango sa ilimnong makahubog ang driver sa Avanza nga karon temporaryong gi-detine sa Digos City Police Station.
