Nagpagawas ug marching order ang tropa sa gobiyerno nga sunod target sarapon ang asawa ni Jorge Madlos (alias Ka Oris) nga si Myrna Sularte alias Maria Malaya, ang secretary sa North Eastern Mindanao Regional Committee ug ang pinakataas nga lider sa NPA-NDF sa Caraga Region.
Human namatay sa engkwentro si Jorge Madlos, gihangyo ni Army 4th infantry division Commander Major General Romeo Brawner Jr. ang asawa ni Ka Oris nga mosurender na usab ilabi na nga ang naasoy mao ang nag kontrola sa kinatibuk-ang Northeastern Mindanao diin nalambigit usab sumala pa sa extorsion apan ilang gipaagi sa tawag mga revolutionary tax.
Gibutyag ni Brig. Gen. Ferdinand Barandon, commander sa 403rd Infantry Brigade, nga sumala pa ang kamatayon ni Madlos mao ang sinugdanan sa katapusan sa NPA ug mosunod niini ang hingpit nga pagkahagba sa CPP-NPA-NDF.
Dugang butyag ni Brawner, duna pay mga NPA sa Caraga Region kungdiin kapin 300 ang mga miembro.
Sa pikas bahin, gipahigayon ang DNA testing sa patayng lawas ni Ka Oris aron masiguro nga lawas kadto ni Madlos.
Gina proseso pa usab ang dental record sa maong rebel leader.
SA laing bahin, 7.8 million pesos ang reward money alang sa civilian tipster nga nitudlo sa nahimutangan ni Jorge Madlos ug sa kauban niini. Takda usab silang i enroll sa witness protection program alang sa ilang kaluwasan ug siguridad.
