Gintikangan na an Artificial Insemination (AI) para ha mga karabaw ngan baka ha siyudad han Borongan nga ginpangunahan han City Agriculturist Office.
Sumala kan Michael Casillano, Focal Person han Artificial Insemination, an mga similya o semen nga tikang ha mga ‘breedable’ ngan hitaas nga purebred sugad han ‘murra buffalo’ ngan ‘italian buffalo’ in gin-iinject ha mga native nga babaye nga carabao ngan baka para ha ‘upgrading’ han ira ‘breed’ o lahi.
Igindugang pa hini, nga san o hira magdumara hin Artificial Insemination in nagkakamay-ada anay hira hin orientation ha mga parag-uma, sugadman naghatag gihapon hira hin deworming ngan vitamins ha mga nasabi nga hayop.
Mababaruan nga an mga semilya in tikang ha Philippine Carabao Center Visayas State University, Baybay Leyte, nga personal nga gindul-ong an ‘mother tank’ nga ginbubutangan han mga similya ni Edgar Nuñez, Project Coordinator han PCC-VSU.
An Artificial Insemination in priority project han Dukwag Agrikultura nga programa ngan usa nga pamaagi han Borongan City Government nga panuyuan nga makahatag ha mga Boronganon hin mas maupay nga produkto hin karne ngan gatas pinaagi han pinakamaupay ngan hitaas nga lahi hin carabao ngan baka.
