Maabot 50 nga mga Persons Deprived of Liberty (PDL) tikang ha Leyte Sub-Provincial Jail ha Hilongos, Leyte an nagpakakarawat hin National Certificate I (NC I) ha libre nga Masonry course tikang ha Technical Education and Skills Development Authority (TESDA).
Umatindir naman ha graduation ceremony an mga personnel han TESDA Region 8 nga ginpangunahan ni Regional Director Gamaliel Bautista Jr., TESDA Leyte Provincial Retired General Rolando Bade, Provincial Warden Lt Colonel Joselito M. Villas, Leyte Board Member Mike Cari ngan Florentino Olores sugadman kan OIC Jail Warden ha Leyte Sub-Provincial Jail Hilongos.
Kasugbong han TESDA an KEITECH Educational Foundation Inc. ha pagpahigayun ha mao nga training.
Dako naman an pasaslamat ni Provincial Warden Villas ha TESDA ngan ha KaiTech nga amo an nanguna training para ha mga Persons Deprived of Liberty .
Naglalaum naman hira nga magagamit han mga PDL an ira mga gin-adman pananglitan makagawas na hira ha pasilidad.
