Tulo ka mga sakop sa rebeldeng New People’s Army (NPA) ang gikasohan tungod sa nahitabong pagpangsunog sa mga makinarya sa dakbayan sa Surigao sa sayong bahin ning bulan sa Abril.
Ang gipangkasohan mao sila Ligaya Aton alyas Bihag, Gelan Ybañez, ug laing isa nga padayon pang giila kinsa mga sakop sa Guerilla Front 16B, Northeastern Mindanao Regional Committee.
Sumala ni Police Brigadier General Romeo Caramat, Jr., ang Regional Director sa Police Regional Office (PRO) 13, kasong destructive arson, malicious mischief, ug kalapasan sa Republic Act No. 9851 kun Crimes against International Humanitarian Law, Genocide and other Crimes against Humanity ang nasang-at ngadto sa Office of the City Prosecutor – Surigao.
Nanghinaut ang opisyal nga pinaagi sa maong kaso, mahatagan og hustisya ang tag-iya sa naasoy’ng mga makinarya nga gisunog sa mga nahisgotan.