Gin-reklamo sa Kalibo MPS it sangka babaye ro ginasugid nga aroganteng tricycle driver na anang nasakyan kahapon.
Sa reklamo sa pulis it babayeng complainant, sumakay imaw it tricycle halin sa Linabuan Sur, Banga paagto it Kalibo partikular sa may Toting Reyes St.
Nag pick-up segun it daywa ka pasahero sa daean ro nasambit nga driver ag sambilog sa mga raya hay ginhatud nana sa sangka mall sa may F. Quimpo Street, Ext., Kalibo.
Kat hambaean segun it complainant ro driver nga sa Toting Reyes imaw manaog hay ginsabat segun imaw kara it “nagadali ka ay”?
Bangud sa insidente hay ginpakamayad it complainant nga ireport sa Kalibo MPS nga gin-refer man sa Sangguniang Bayan Traffic section. / ANN DESLENE SALAZAR
