Nagreklamo sa Kalibo MPS ro sangka eaeaki matapos segun imaw nga baywon sa sueod it sangka beach resort and resto bar sa may Lambingan, Pook, Kalibo, Aklan.
Ginkilaea ro complainant nga si Jingly Telles 32yo samtang ro ginaturo kara nga nagbayo kana hay si Stephen Montuya ag parehung residente it Brgy. New Buswang, Kalibo.
Natabo ro insidente kaina it kaaganhun kung siin parehu segun sanda nga naga inuman it suspek sa sueod it nasambit nga establisyemento.
Insigida eon lang segun imaw nga ginpaeapitan it suspek ag ginbayo sa anang daeunggan ag ginhana pa nga bun-on.
Bangud sa insidente, ginpakamayad it complainant nga ireport sa Kalibo MPS nga gin-refer man sa Brgy. Justice System. / ANN DESLENE SALAZAR
