Gin-anunsyo sang Archdiocese sang Capiz ang mga bag-o nga Parokya kag Missions stations sa probinsya sandig sa ginpapanaog nga Circular no. 13, napetsahan Hunyo 11, 2024.
Sa 16 ka mga Parokya, 4 dire ang gikan sa Roxas City; 3 Dumalag; 2 Mambusao; 2 Sigma; kag tig-1 sa banwa sang Panitan, President Roxas, Cuartero kag Tapaz. Samtang 4 naman ka mga bag-o nga mission stations gikan sa Maayon, Tapaz, Dumarao kag Dao ang igatukod.
Mahibaluan, kadungan sang pag-anunsyo sa mga bag-o nga Parokya ang pag-anunsyo man sang mga panibag-o nga assignments sang kaparian sa Archdiocese sang Capiz epektibo sa Hulyo 4, 2024.| Ken Mark Gicalde
